DA, nagpanindugan nga indi magapaguwa it import permit sa  sibuyas

Nagpanindugan ro Department of Agriculture (DA) nga indi sanda magapaguwa it import permit sa sibuyas.

Raya hay sa pihak it mataas nga  presyo ag kakueangan it puti nga sibuyas sa nasyon.

Suno kay Agriculture assistant secretary Kristine Evangelista, indi makaangkon it  importasyon sa sibuyas ro Pilipinas eabi pa ag tiempo eon it anihan sa Disyembre.

Padayun man ro pakikipag-angot it  taeatapan sa  mga mangunguma it sibuyas nga kaabuan hay  naga-aeang-aeang nga magtanum  bangud sa posibleng pagbaha it imported nga sibuyas sa merkado.

Nakikipag-istorya man ro  DA sa mga institutional buyer kapareho it  mga hotel ag restaurants, nga imbes nga puting sibuyas hay locally produced red onions eon lang ro bak-eon.