Uman nga nagpanawagan si Remia Salvador it Brgy. New Buswang, Kalibo sa dating brodkaster nga si Carlo Astorias matapos nga hasta sa makaron hay uwa gihapon imaw nabayaran sa gin-utang kana nga kapin sa P15,000 pesos nga sinanglaan pa it ana nga alahas.
Suno kana, grabe makaron ro anang kaeain it boot nga nabatyagan kamana man stress ag depression nga gin-aywanan ni Astorias.
Raya hay matapos nana nga ginreklamo bangud nga nagaguwa makaron nga uwa eon gid it plano si Astorias nga bayaran imaw bangud nga nawad-an raya it trabaho ag ginbaliskad imaw ni Astorias sa istorya.
Mabaheo sigon nga perwisyo ag halit ro gintuga ni Astorias sa anang pamilya bangud nga hasta sa makaron hay idto pa sa pawnshop ro anang alahas ag uwa imaw it maideya para maeokat raya
