Gindesisyunan it bilog nga quad committee it kamara nga imbitahan si dating president Rodrigo Duterte sa andang imbestigasyon nga nakasentro sa extrajudicial killings, ag implementasyon it war on drugs sa idaeum it anang administrasyon.
Raya hay kasunod it ginbulgar it testigo nga si Leopold “Tata” Tan Jr., sa hearing ro pagsugo kana ni Duterte sa pagpatay sa tatlong Chinese drug lords sa Davao Prison ag Penal Farm ko 2016.
Base sa anang testimonya, ginpahayag ni Tan nga gintawgan ni Duterte si dating DPPF officer-in-charge Supt.(Superintendent) Gerardo Padilla ag ginhambaean it “congrats ag job well done” sa pagpatay sa nasambit nga mga drug lords.
Samtang ginaduso man ni Senior Deputy Speaker Aurelio “Dong” Gonzales Jr. nga paagtunon si Duterte sa andang hearing agud nga sabton mismo ro mga pangutana ag mga akusasyon kontra kana.
Gin-aprubahan man raya ni Surigao del Norte 2nd District Rep. Robert Ace Barbers, chairman it Committee on Dangerous Drugs ag kabilugan nga quad-committee.
