Personal nga ginbisita ag ginkumusta ni DILG Secretary Benhur Abalos si dating Sen Leila de Lima sa PNP Custodial Center sa sueod it Camp Crame matapos nga ihostage it tatlong miyembro it Abu Sayyaf Group sa pagpanguna ni Idang Susukan.
Ginbuno it sangka preso ro sangka pulis nga guwardia ag tumakas kaibahan ro daywang pang iba.
Apang, inisigida man nga na-neutralized ro daywa sa tatlong escapees it sniper guards samtang nagatakas.
Sa ginpatigayon nga negosasyon ni Col. Mark Pespes nakitaan kara it manami nga oportunidad para ineutralize ro preso ag ginbaril raya sa ueo.
Euwas man ag sa mayad eon nga kondisyon si De Lima apang makit-an sa itsura nkara ro trauma sa insidente.
Suno kay Sec. Abalos sa Camp Crame nga sandig sa mandu ni PBBM nga pagataw-an ukon pagahalinon si de lima sa ibang facility para mas maging euwas raya.
Apang suno kay Abalos, nagpamalibad si De Lima ag ginpili kara nga magpabilin sa anang facility.
Samtang, ginmanduan man ni Abalos ro PNP para magpatigayon it madaeom nga imbestigasyon angot sa insidente ag bag-uhon ro mga protocols sa sueod it PNP Custodial Center.
Sa makaron, temporaryong ginsuspinde anay ro visiting hours sa Custodial Center.
