Naga-abot eon sa masobra 200 ro namatay bangud sa pag-uyog it magnitude 7.4 nga linog sa western Colombia.
Suno sa UN humanitarian office nga OCHA, 126 nga katawo ro namatay ag 1,495 nga iba pa ro naninahan. Apang base sa local estimates, nagsaka eon raya sa 224.
Ginpahayag man ni Interior Minister Rodrigo Lara nga nagatutok sanda sa pag-eowas it kabuhi it mga posibleng survivors nga natabunan gihapon it nagkaeatumba ag naeumpag nga mga building.
Nagpasalig man imaw nga padayon ro pag-abot it rescue teams nga may daea nga medical supplies ag field hospitals.
Samtang, ginkasubo man ni Pope Leo XIV ro hitabu.
Sa sangka note para sa arsobispo it Cartagena nga si Francisco Javier Munera Correa, ginpahayag ni Vatican secretary of state Pietro Parolin, nga naga-offer it pangamuyo ro Holy Father para sa daeayon nga pagpahuway it mga namatay ag naga-ampo sa Ginuo para sa gilayon nga recovery it mga apektado it trahedya.
