Naga-abot eon sa 4,333 ro death toll sa magkasunod nga mabaskog nga linog nga umigo sa Venezuela suno kay National Assembly President Jorge Rodriguez.
Suno pa sa mga awtoridad, masobra 16,000 nga mga tawo ro naninahan sa insidente.
Samtang, linibo nga mga kabaeayan, buildings, ag iba pa nga imprastraktura ro naguba bangud it mabaskog nga mga linog.
Maabu man nga mga pamilya ro napilitan nga magpaeagyo ag temporaryo nga naga-istar sa mga evacuation center.
Padayon nga naga-operate ro mga rescue teams ag nagkaeain-eain nga humanitarian organizations sa paghatud it mga pagkaon, bueong, ag iba pa nga kinahangeanon sa mga apektado nga lugar.
Nagpanawagan man ro United Nations sa iba nga mga nasyon nga magtau it bulig para sa nagapadayon nga relief ag rehabilitation efforts samtang amat-amat nga nagabangon ro Venezuela sa kahalitan nga gintuga it linog.
