Sumaka eon sa 83 ro death toll maghalin sa pagpaeanasa it Hurricane Ian.
Raya hay sa tunga it amat-amat nga pagbangon it mga residente sa Florida ag Carolinas nga gina-eaumang nagabalor sa bilyong dolyar para sa recovery efforts samtang nagapangatubang man sa pagbatikos ro pilang mga opsiyal bangud sa andang pagsabat sa nagtaliwan nga bagyo.
Kaeabanan sa mga namatay hay maghalin sa Florida apang may ap-at rayang kaibahan ro 42 nga nalista sa coastal Lee County nga hinagupit it pagpaeanasa it bagyo tag maglandfall raya.
Samtang, nakataeana manag magabisita sanday President Joe Biden ag first lady Jill Biden sa mga nahalitang lugar sa Florida sa Miyerkules ag kahapon adaw it Lunes sa Puerto Rico kung siin maabong residente ro nadueaan it suplay it kuryente daywang dominggo matapos tumama ro Hurricane Fiona sa isla.
