Nagdihon si Parañaque 2nd District Rep. Brian Yamsuan it House Bill 9475 nga nagatuyong pataason ro Personnel Economic Relief Allowance (PERA) it mga empleyado it gobyerno halin P2,000 hasta P5,000 kada buean.
Sakop it proposisyon ro mga regular, contractual ag casual nga empleyado it pambansa ag lokal nga gobyerno nga sakop it Compensation and Position Classification Act, kaibahan ro military ag uniformed personnel, mageuwas sa mga gin-assign sa ibang nasyon nga nagabaton it overseas allowance.
Nakabaehag man sa proposisyon nga repasuhon ro haega it PERA kada tatlong dag-on base sa inflation, cost of living ag kakayahan it pondo it gobyerno.
Kun maisalaye, pagabue-on ro pondo para sa unang dag-on halin sa government savings, samtang iiba ro pondo para sa mga masunod nga dag-on sa General Appropriations Act.
