KALIBO, Aklan–Nag-abot eon kahapon ro delasyon it Western Visayas sa bahin it Marikina City para sa nagahilapit nga pag-umpisa it Palarong Pambansa 2023 nga maga-umpisa sa Hulyo 31 hasta Agosto 5.
Raya ro ginkumpirma ni Hernani Escullar Jr., tagapaghambae it Department of Education (DepEd)-VI.
Suno kana, mainit sanda nga ginsug-aeaw it belitting school kamana man nga may ginpatigayun nga pueong ag mapig-od nga programa.
Owa man sigon it dapat ikabaeaka ro ginikanan it mga natungdan nga atleta bangud maayos ro andang akomodasyon ag seguridad.
Makit-an sigon ro presensya it pulisya ag may mga nakastandby man nga medical officers.
Plano sigon nanda nga magpatigayun it ocular sa pilang playing venues sa mga masunod nga adlaw.
Nasayuran nga naga-abot sa 813 ro kabilugan nga delegasyon it Western Visayas nga ginakaeakipan it 539 nga players, 131 coaches, assistant coaches ag chaperones kamana man ro 143 nga technical working group.
