KALIBO, Aklan — Mabahoe ro pagpasaeamat it Department of Education (DepEd-Region 6) nga owa it sin-o man sa delegasyon it Western Visayas sa Palarong Pambansa ro naeakip sa mga gintaw-an it medical attention umpisa sa andang pag-abot sa gintaeana kanda nga billeting area eabi eon ro pag-angkon it sakit nga dengue sa Cebu, City.
Suno kay Hernani Escullar Jr., DepEd-6 information officer nga sa mayad nga swerte ag owa it sin-o man kanda eabi eon sa mga atleta ro nagmasakit.
Nasayuran nga 126 nga delegasyon halin sa nagkaeain-eain nga rehiyon ro gindea sa ospital.
Sa 23 nga na-admit, pito kara ro nagpositibo sa dengue.
Ap-at pa kara ro padayun nga naka-confine samtang ro iba hay under observation.
Kaeabanan sigon sa naangkon it mga delegasyon it Region 6 hay sports related injuries nga normal eamang kon nagasabak sa mga pahampang.
Insigida man ro mga raya nga gintratar it andang daea mismo nga sporting event’s medical team.
