Sumaka pa sa haeos P3 billion ro agricultural damage nga gin-aywan it Bagyong Karding sandig sa datos it Department of Agriculture (DA).
Ginatantya it DA’s Disaster Risk Reduction and Management Operations Center (DRRM) nga kapin sa P2.95 billion ro total value it production loss.
Naging apektado it kalamidad ro mga pananom maghalin sa Cordillera Administrative Region (CAR), Ilocos Region, Cagayan Valley, Central Luzon, CALABARZON, Bicol Region ag Western Visayas nga nakaapekto sa 164,217 ektarya it mga eugta it mga mangunguma.
Umabot sa 103,552 mangunguma ag mangingisda man ro apektado ag 154,734 metriko tonelada (MT) ro nagig kabilugang numero it naduea nga produksyon.
Samtang, ginpahayag man it DA nga ro nasambit nga danyos hay sa mga imprastraktura, makinarya ag kagamitan sa agrikultura.
