Gin-anunsyo it Department of Agriculture nga ginatun-an eon nanda ro pagbakae it dugang nga mga bakuna para sa mga breeder ag grower agud nga mas pang mapabaskog ro industriya it baboy sa nasyon.
Raya hay bilang kaparte it mas ginpaeapad nga kampanya kontra sa African Swine Fever (ASF). Ro anunsyo hay ginhimo kadungan it pag-umpisa it bakunahan kontra ASF sa Lobo, Batangas.
Suno kay DA Assistant Secretary for Swine and Poultry Constante Palabrica, mabahoe ro naging epekto it ASF sa mga mabahoe nga kumpanya ag maging sa backyard farms.
Maskin nga ro mga mabahoe nga kompanya sigon hay may ikasarang nga mag-kapital sa biosecurity measures, 60% it populasyon it baboy sa backyard farms hay nabudlayan bangud sa kakueangan it pondo para sa epektibong proteksyon.
Angot kara, nagtaeana ro DA it P300 milyon pesos para sa pagbakae it 600,000 nga mga bakuna sa ASF ag haum raya nga mag-usoy it dugang nga pondo kun mapamatud-an nga epektibo ro bakuna sa pagprotekta sa mga baboy kontra ASF.
Sa makaron, 32 nga probinsya ro padayun nga apektado it ASF.
