Plano it Department of Agriculture (DA) nga pagabalikon sa merkado ro NFA rice tuyo kara nga makaangkon it mas barato nga presyo it bugas ro mga pomoeuyo partikular sa mga benepisyaryo eamang it Pantawid Pamilyang Pilipino Program ukon 4Ps.
Suno kay Agriculture Secretary William Dar nga kung madayon ro nasambit nga plano hay bukon it para sa tanan nga publiko apang partikular eamang ra sa mga benepisyaryo it 4P’s nga mga ginakueang gid sa pang adlaw-adlaw.
Dugang pa kara nana nga indi eon sigon kinahangean pa nga amyendahan it laye sa Rice Tariffication Law para mabalik sa merkado ro NFA rice.
Samtang, sa makaron kapin sa P37 kada kilo ro average retail price it regular milled nga bugas samtang P41 pesos man ro kada klo it well-milled nga bugas.
Mataeopangdan nga ro NFA rice hay owa eon ginpasugtan nga igabaligya sa merkado umpisa ku nagtaliwan nga Agosto 2019.
