Uwa pa it impormasyon ro Department of Justice (DOJ) sa ginapahayag nga warrant of arrest nga igapaguwa it International Criminal Court (ICC) kontra kay dating Pangueong Rodrigo Duterte ag iba pang respondent nga eakot sa ginapatigayon nga imbestigasyon sa war on drugs it nagtaliwan nga administrasyon.
Nauna eon nga ginpahayag ni retired Supreme Court Justice Antonio Carpio nga posibleng sa buean it Setyembre it presenteng dag-on hay maga-isyu eon it arrest warrant ro International Criminial Court.
Apang, nauna eon man nga ginklaro it Department of Justice nga inde magbulig sa Interntaional Criminal Court sa pag-usisa kara sa drug war apang inde nanda pagpunggan nga makipag-angot sa mga personalidad nga gusto nandang mainterview.
Paga-istudyuhan man sigon it mayad it ahensya engkasong may igapaguwa nga red notice ukon apela it pag-aresto it Interpol.
