Ginpabaskog it Department of Education (DepEd) Region 6 ro kampanya kontra sa cyberbullying ag online sexual exploitation of children kadungan it pagdumdom it Safer Internet Day ag proposisyong P2.9-bilyong pondo para sa school-based mental health programs sa 2026.
Ginpunto it mga opisyal it edukasyon ro nagagrabeng paeag sa mga estudyante sa online platforms.
Ro Safer Internet Day, nga ginakilaea sa bisa it Proclamation No. 417 ag ginaselebrar sa masobra 100 ka nasyon hay nagatuyo nga pabaskugon ro digital vigilance sa tunga it mas maeapad nga paggamit it internet sa pag-eskwela ag pakikihalubilo.
Kinahang-ean ro tingob nga paghueag it pamilya, eskwelahan ag komunidad agud maprotektahan ro mga onga sa digital space.
Suno sa DepEd, ro proposisyong P2.9-bilyong budget hay igataeana agud pabaskugon ro counselling ag mental health interventions sa mga eskwelahan eabi eon para sa mga biktima it cyberbullying ag online exploitation.
Gin-insister ni DepEd-6 OIC Regional Director Dr. Cristito Eco nga kolektibong saeabton ro pagsigurado sa kaeowasan it pamatan-on kontra sa Online Sexual Abuse and Exploitation of Children (OSAEC) ag Child Sexual Abuse and Exploitative Materials (CSAEM), kabulig ro mga programang nagapabaskog it kaangtanan it eskwelahan ag ginikanan sandig sa Anti-Bullying Act of 2013.
