KALIBO, Aklan–Todo eon ro preparasyon it Department of Education ukon DepEd-Aklan sa nagahilapit nga 2023 Municipal Sports Meet sa maabot nga Pebrero 24.
Suno kay Rey Tabanera, secondary sports coordinator it Kalibo 1 nga sa ginpatigayon nga pueong, plantsado eon ro mga sueundanan para sa nasambit nga sporting event nga masobra sa daywang dag-on man nga natengga bangud sa covid 19 pandemic.
Haeos excited eon man suno kana ro mga coaches ag atletang pamatan-on nga magapasakop makaron nga dag-on para sa nagkaeain-eain nga sports category.
Samtang, sa team sports, ro ginasunod hay ro “winner take all policy” , kun sa siin kon anong eskwelahan ro nagapangibabaw, raya ro maga-representar sa Aklan.
Angot kara, ginpasiguro ni Tabanera nga magiging prayoridad gihapon ro pag-eskwela it mga student atletes rason nga ro andang practice hay ginapatigayon pagkatapos it klase ag kada weekends.
Raya sigon hay bilang preparasyon sa Western Visayas Regional Athletic Association ukon WVRAA meet nga iga-host it probinsiya it aklan.
Nagaeaum imaw nga igabuhos man it mga local government units ag provincial government ro andang suporta agud nga maabu nga mga pamatan-on nga atleta nga halin sa Aklan ro ma-qualify sa palarong pambansa.
