Ginpaeapad pa it Department of Education ro andang mga tikang para pabaskugon ro kahauman it mga ekswelahan kada may kalamidad ag emergency.
Gin-insister it ahensya ro importansya it Learning and Service Continuity Plans para mabuhinan ro mga sab-eag sa paghatod it kasayuran sa mga estudyante.
Base sa ginpaguwa nga DepEd Order No.22 , series of 2024 it ahensya, nakasueod dikara ro bag-ong mga sueondanan sa pagpaguwa it mga class ag work suspension sa mga eskwelahan kada may bagyo, mabaskog nga pag-uean, pagbaha, linog ag iba pang emergency.
Nakasueod sa nasambit nga polisiya ro mga pamaagi agud masiguro ro kaeowasan ro mga estudyante ag mga manugturo kada may kalamidad.
Ginamandato it Learning and Service Continuity Plans sa mga field offices ag eskwelahan nga tumuron ro mga bagay nga Alternative Delivery Modes para sa edukasyon agud masiguro nga may access ro mga estudyante sa edukasyon kada may kalamidad.
Kaibahan sa mga gintumod nga Alternative Delivery Modes hay modular distance learning, online education, ukon blended approaches depende gihapon sa partikular nga kinahang-eanon ag lokal nga kondisyon.
