Umpisa eon sa development sa kasong nagadaeagan sa pagpatay sa brodkaster nga si Percy Lapid ukon Percival Mabasa sa minatuod nga kabuhi ro pagtumod sa mga suspek nga una sa likod it nasambit nga krimen.
Ro panan-awan ni Mr. Johnny Dayang, chairman it Publisher Association of the Philippines Incorporation ukon PAPI sa pag-eotaw ko pangaean it mga opisyal it Bureau of Corrections uukon BuCor nga ginasugid nga utak sa kamatayon it batikan nga brodkaster.
Naga-eaum si Dayang nga maiserbe ro hustisya sa amigong brodkaster matapos nga tayuyon ro daeagan it kaso.
Nauna eon nga gintumod it mga otoridad ro suspendidong hepe it BuCor nga si Director General Gerald Bantag ag Senior Superintendent Ricardo Zulueta bilang utok sigon sa likod it krimen.
Dugang kara, ro Philippine National Police (PNP) ag ro National Bureau of Investigation (NBI) hay nagpasaka it mga reklamong pagpatay kontra kay Bantag, Zulueta, ag pilang suspeks nga persons with deprived of liberty (PDL).
Sa parte it NBI, ginaimbestigahan ro posibilidad nga may mas makagagahom nga mastermind kaysa kay Bantag sa likod it pagpatay sa mamamahayag nga si Lapid.
