Ginpabaskog it Department of the Interior and Local Government (DILG) ro pakikipagbueuligan sa mga lokal nga gobyerno sa Western Visayas para masigurado ro kadaean-an it maeapnagon nga Measles-Rubella Supplemental Immunization Activity (MR SIA) it Department of Health (DOH) halin Agosto 10 hasta 28, 2026.
Target it programa nga mabakunahan ro masobra 408,000 nga mga inunga nga may edad an-om hasta 59 buean kontra sa tigdas ag rubella, kaibahan ro libreng Vitamin A supplementation, kasunod it 41 porsiyentong pagtaas it mga kaso it sakit sa rehiyon.
Suno sa DOH, umabot sa 444 nga kaso it measles-rubella ro nalista it sa Western Visayas ku 2025 halin sa 314 nga kaso ku nagtaliwan nga dag-on.
Ginpamilit man it ahensya nga kinahangean nga maabot ro indi magnaba sa 95 porsiyentong vaccination coverage para malikawan ro pagkalhit it sakit, samtang gineggnayo it DILG ro mga lokal nga opisyal ag ginikanan nga suportahan ro libreng pagbakuna ag kontrahon ro saea nga impormasyon angot sa mga bakuna.
