Gindipensahan ni Finance Secretary Benjamin Diokno ro pagahimuon nga borrowings ukon paga-utangon it gobyerno nga ginatantyang gaabot sa masobra P1 trillion para maeakipan ro “budget deficit” ukon kakueangan sa pondo sa masunod naa dag-on.
Suno kay Diokno nga gapabilin nga sa range sa gihapon rason nga owa dapat sigon it igakabaeak-an kung mangutang ro gobyerno.
Ginkumpirma ni Diokno ro pagahimuon nga borrowings sa budget briefing it House Committee on Appropriations para sa proposisyong P5.268- Trillion 2023 National Budget.
Dugang pa ni Diokno, ro borrowings hay ginaeauman man nga maganaba bangud owa man ginaeuman ro maga-eontad nga panibag-ong pandemya.
Ginpahayag pa it sekretaryo nga ro total revenue projections para sa masunod nga dag-on hay kapin sa P3.6 trillion.
Dugang pa ni Diokno nga pagabue-on nanda ro budget deficit nga kinahangean i-finance pamaagi sa domestic sources para owa it “foreign exchange risks.”
Samtang, kapin sa 75% man ro paga-utangon “locally” samtang 25% hay maghalin sa foreign sources.v
