KALIBO, Aklan– Nagapati ro sangka batikang mamamahayag sa probinsya it Aklan nga sa pihak nga may ginabuytan nga rason si Atty. Larry Gadon kasunod it eubusan karang pagka disbarred hay owa eon raya it mahimu sa naging pinal nga desisyon it korte suprema.
Suno kay Mr. Johnny Dayang, chairman it Publisher Association of the Philippines Incorporation ukon PAPI, kinahangean sigon karang respetohon ro nasambit nga desisyon.
Si Atty. Gadon suno kay Mr. Dayang ro bag-ong gintaeana nga Presidential Adviser for Poverty Alleviation apang eubusang na “disbarred” makataliwan it daywang adlaw.
Raya hay bangud sa natabo sa tiempo it kampanya sa eleksyon ko nagtaliwan nga dag-on kat gindepensahan kara si Pangueong Ferdinand R. Marcos Jr.
Angot kara, sa botong 15-0,pabor sa disbarment, gintumod it Korte Suprema ro desisyon bilang pagtimbang sa gina-alegar nga misogynistic, sexist, ag mapang-abuso nga komento it nasambit nga abogado angot sa sangka mamamahayag nga si Raissa Robles nga nagapaeapta sigon it mga kapurilan.
Sa pihak nga parte, maga-file man si Atty. Gadon it motion for reconsideration bangud sa ginapahayag bukon it insakto ro naging desisyon it Korte Suprema.
