Gin-eubong eon sa Nigeria adlaw it Biyernes, Hunyo 26, si Divine Adili nga kaibahan ni Rene Clert Baterbonia nga nagtaliwan matapos naeumos sa “team-building activity” it men’s basketball team it Ateneo de Manila University sa Aurora ko Hunyo 8.
Makit-an sa video nga gin-share it anang pamilya nga nagasuksok sanda it black shirt nga may litrato ni Divine ag may naka-imprinta nga “Gone So Soon.”
Samtang nagapa-agto sa sementeryo ro saeakyan nga nagadaea it bangkay, mabatian man ro nagahambae sa video nga “Keep sharing the live, keep sharing the live, make sure he’s gotten to every place in the world because we love him.”
Adlaw it Huwebes kat nag-abot sa Nigeria ro bangkay ni Divine.
Sa nauna nga Facebook post it anang tiya nga si Nwozor-Mabia Ogonna Grace, gintawag nana si Divine nga “hero, a giant with a humble heart.”
“Your kindness, compassion, and goodwill touched countless lives, and the world continues to speak of the beautiful legacy you left behind,” pahayag it tiya it Nigerian player.
“Though your life was cut short, your impact will never fade. We will continue to celebrate you, cherish your memories, and honor the values you lived by. Your legacy will live on in the hearts of all who knew and loved you. Rest on, dear nephew. You are deeply loved, forever remembered, and greatly missed. May your gentle soul rest in perfect peace,” dugang pa kara sa anang post.
Antes gindaea sa Nigeria, nagpatigayon ro Ateneo it candlelight service, daily masses, ag public wake para sa nasambit nga Blue Eagles big man.
May ginpadaea man ro unibersidad nga daywang ka representatives agud ibahn ro pagdaea it bangkay ni Divine sa Nigeria.
