HEALTH News–Gin engganyo it senado ro Department of Health (DOH) ag ro Food and Drug Administration (FDA) nga pabaskugon ro pagbantay kontra sa mga advertisement it mga pagkaong may mataas nga lebel it saturated fatty acid, trans-fatty acids, free sugar ag salt.
Raya hay may kaangtanan man sa rekomendasyon it World Health Organization (WHO) sa tanan nga mga gobyerno sa bilog nga kalibutan nga magpatuman it mabaskog nga mga polisiya para maprotektahan ro mga pamatan-on halin sa mga ads ukon patalastas nga nakakaapekto sa andang dietary choices.
Suno kay Senate Committee on Health Chairman Senator Christopher Bong Go importanteng i-regulate ro marketing it mga pagkaon ag ilimnon nga napamatud-an nga may negatibong impluwensya sa pamaagi it pagkaon it mga pamatan-on.
Gintumod it mamalidha ro nagatinaas nga kaso it mga diet-related nga sakit kapareho it diabetes, sakit sa tagipusuon, ag obesity eabi eon sa mga pamatan-on.
Ginhinyu man ni Go ro pagtumod ag pagkategorya it gobyerno kun ano ro food products nga dapat limitahan eang ro marketing para epektibong ma-regulate ro ads sa nagkaeain-eain nga media platforms.
Nag apela man ro senador sa publiko nga alagaan ro andang natungdan nga ikamayad nga eawas, eabi eon ro mga pamatan-on, ag magbuylog sa kampanya kontra sa marketing it bukon it masustansyang pagkaon.
