DOH, ginpasiguro nga mabaton eon it mga healthcare workers ro andang COVID-19 benefits sa mas madali nga panyempo

Ginpasiguro it Department of Health (DOH) nga mabaton eon sa mas madali nga panyempo it mga health care workers ro andang Covid-19 benefits.

Suno kay DOH Officer-in-Charge Maria Rosario Vergeire nagsumite eon sanda it mga nagakaigo nga dokumento sa Department of Budget and Management (DBM) agud maipagguwa ro pondo para sa benipisyo it mga health workers.

Nagpadumdom man si Vergeiri sa mga health workers nga may una pang requirement nga kinahang-ean sundon sa idaeom it auditing rules ag regulations sa DBM.

Ginpasiguro man it DBM nga kung nasabat eon it DOH ro mga documentary requirements hay insigida nanda nga igapagguwa ro pondo base sa availability it budget.