Naglunsar it pag-atake ro Russia gamit ro sobra kabaskog ag bag-ong hypersonic ballistic missile sa Kyiv, nga pumatay it ap-at nga katawo.
Raya eon ro sambilog sa pinaka-grabeng pagpamomba it Russia sa Kyiv region umpisa nga mag-eontad ro giyera.
Gin-classify it Amerika ro Oreshnik missile bilang sangka intermediate-range missile, nga makasarang nga magdaea it nagkaein-eain nga conventional ukon nuclear warheads. Ro kadasig ag trajectory kara hay haeos indi mapugngan it air defense systems it Ukraine.
Raya eon ro ikatlong beses nga gingamit it Russia ro nasambit nga missile.
Suno kay Ukrainian President Volodymyr Zelensky, bumagsak ro missile maeapit sa siyudad it Bila Treskva sa central Ukraine.
Gintawag ni Zelensky ro Russia nga owa eon sa tamang pag-iisip ag gin-insister nga indi nana raya pagpaeampason.
Pilang world leaders ro nagkundina sa pag-atake it Russia sa Ukraine, kaibahan sanday European Union foreign affairs chief Kaja Kallas, French President Emmanuel Macron ag German Chancellor Friedrich Merz, nga gintaw-an it haega ro suporta it Germany para sa Ukraine.
Natabu ro bilog nga gabi-i nga pag-atake sa Kyiv matapos imandu ni Russian President Vladimir Putin ro pagbaeos sa deadly attack it Ukraine sa okupadong teritoryo it Russia.
