Diving chess: 62 nga mga players halin sa nagkaeain-eain nga nasyon, nagpasakop sa chess competition sa idaeum it pool

Sangka tumaeagsahon nga hitabu nga samtang nagapugong sa pagginhawa sa idaeum it tubi hay nagatinguha nga magdaog sa sangka mind game.

Sa Tarnowo Podgorne, Poland, tumaeagsahon ro andang hampang nga chess bangud nga ginpaidaeum raya sa idaeum it pool.

Ko kan-o eamang, ginpatigayon ro daywang adlaw nga international sports scene nga diving chess sa 2026 World Diving Chess Championships.

Sa competition nga kumbinasyon it chess ag swimming, mabug-at ag magnetic ro chess board nga ginagamit agud indi mag-eutaw.

Ginpasakupan raya it 62 nga mga players halin sa nagkaeain-eain nga nasyon.

Sa men’s category, nagdaog ro Lithuanian Grandmaster nga si Paulius Pultinevicius samtang si Anna Andrzejewska it Poland ro nagpangibabaw sa women’s category.