Mahugot nga gina-monitor it Department of Health (DOH) ro pitong rehiyon bangud sa pagtaas it kaso it leptospirosis.
Kaibahan kara ro Soccsksargen, Central Visayas, Western Visayas, Cordillera, Negros Island Region, Bicol ag Cagayan Valley, samtang ginpabaskog man ro pagbantay sa NCR ag iba pang lugar nga nakalista it pagtaas it kaso.
Nag-abot eon sa 6,253 ro kabilugan nga kaso it leptospirosis sa nasyon makaron nga 2026, 12 porsyentong mas manaba kumpara ku nagtaliwan nga dag-on.
Apang, tumaas it 77 porsyento ro mga kaso halin Agosto 2 hasta 15, nga umabot sa 824 halin sa 465 nga nalista sa naunang daywang dominggo.
Samtang, ginreport it DOH nga nagnaba ro kabilugan nga kaso it acute bloody diarrhea, cholera, typhoid fever, influenza-like illnesses ag dengue kumpara ku 2025.
Umabot man sa 128,634 ro kaso it dengue makaron nga dag-on, 39 porsyentong mas manaba kaysa ku nagtaliwan nga dag-on, sa pihak nga nakalista raya it siyam nga porsyentong pagtaas sa mga kaso halin Agosto 2 hasta 15.
