Uman nga nag-apela ro Gabriela Partylist kay Pangueong Bongbong Marcos nga magpangayo it executive clemency para sa kababayan nga si Mary Jane Veloso nga nagapangatubang sa disposisyon nga kamatayon sa Indonesia.
Gin-insister ni Assistant Minority Leader Arlene Brosas, mabuhay eon nga nakakulong si Veloso sa Indonesia sa saea nga oa man sigon kara ginhimu.
Suno pa kay Brosas, natapos eon ro termino it daywang presidente ag sa makaron nga si Marcos eon ro pangueo, dapat ipursige sigon ro pagpahilway kay Veloso.
Biktima sigon si Veloso it human trafficking kapareho it pang mga Pinoy nga nakakulong sa Indonesia nga kaeabanan hay mga kababayenhan.
Madumduman nnga dag-ong 2010 tag maaresto si Veloso sa Indonesia bangud sa pagbitbit kara it kapin sa 2.67-kilograms it heroin nga narekober sa anang maleta.
Dugang pa ni Brosas, igasulong man it Gabriela ro hagna para maayos ro mga kakueangan sa anti-trafficking efforts it gobyerno ag malikawan nga may mga panibag-ong Mary Jane Veloso ro mabiktima it mga drug syndicates ag traffickers.
