Ginpasiguro it Department of Social Welfare ag Development nga haom raya nga maghatod it bulig sa masubra 6,000 nga pamilya o katumbas it 24,043 nga indibidwal nga apektado it bagyong Enteng ag hanging Habagat.
Base sa data it DSWD Disaster Response Operations Monitoring and Information Center, apektado it maeain nga panyempo ro Bicol Region, Central Visayas, ag Eastern Visayas.
Linibo nga pamilya ro naghalin sa andang panimaeay bangod sa pagtaas it tubi baha sa anda nga lugar daea it mabaskog nga pag-uean.
Indi man mag naba sa 9 nga kabaeayan ro nasamad samtang sambilog ro napabalita nga partially damaged.
Kaangot kara hay nagtaeana ro ahensya it โฑ410,000 nga balor it assistance para sa mga apektadong pamilya.
Uwa man it untat ro paghimo it monitoring sa mga lugar nga apektado it bagyong Enteng ag Habagat.
Samtang, naga-abot sa โฑ2.7-milyong haeaga it relief resources it ahensya ro naka standby kaibahan eon kara ro funds ag food packs.
