Nagapabilin gihapon ro mabahoe nga numero it mga indibidwal nga nagapabilin sa mga gintaeana nga evacuation centers nga apektado it pag-eupok it bulkang Kanlaon.
Base sa latest data nga ginpaguwa it Department of Social Welfare and Development, nagahampak sa magsobra ap-at nga libo ro kabilugan nga numero it pamilya ro nagbakwit bangud sa pag-alburuto it bulkan.
Ro nasambit nga numero it mga pamilya hay katumbas it una sa 14,455 indibidwal nga nagadayon sa 32 evacuation centers sa probinsiya.
Samtang, sa kabilugan hay magaabot sa 44,000 indibidwal ro apektado it Mt. Kanlaon eruption base sa pagbuebanta it DSWD.
Nagaabot man sa ₱35.6-milyong ro kabilugan nga haega it humanitarian assistance ro naihatod it ahensya sa mga lugar nga apektado it pag-eupok it bulkan.
