Pagabuksan ro mga opisina it Department of Social Welfare and Development (DSWD) sa adlaw it Sabado ag Dominggo kung kinahangean para mataw-an it kahigayunan ro mga indibidwal ag mga pamilya nga gustong maging kaparte it Pantawid Pamilyang Pilipino Program (4Ps).
Suno kay DSWD Secretary Erwin Tulfo, ro nasambit nga inisyatibo hay tuyo nga ma-accommodate ro mga solo parents, poor households, mangunguma, mangingisda ag mga indibidwal para maging kaparte it nasambit ng programa.
Presenteng ginatutukan sa pagtan-aw it National Household Targeting Office (NHTO) ro guidelines para sa On-Demand Application (ODA) para mai-eakip ro mga bukon it sakop sa pangatlong listahan kung siin prayoridad kara ro mga marginalized ag most vulnerable sector it komunidad.
Samtang, ro schedule man para sa application ag iba pang significant details hay owa pa gina-anunsiyo bangud owa pa it pinal nga sueundanan ro NHTO.
Pagklaro man it DSWD nga ro mga indibidwal ag mga pamilya nga gustong maeakip nga benepisyaryo it 4Ps hay subject pa sa gihapon sa validation ag verification it personnel it ahensiya.
Sa pihak nga parte, ro listahan nga sangka standardized targeting system ro pagabasehan it DSWD sa pagtumod it mga kwalipikadong household nga maging benepisyaryo it programa kasunod sa Rule 5 it Implementing rules and regulations it DSWD ukon ro Selection it Qualified Households and Criteria for Eligibility.
