KALIBO, Aklan—Gin-umpisahan eon it Department of Trade and Industry ukon DTI-Aklan ro training sa unang batch it “Kapatid Mentor Me Online program .
Suno kay DTI Provincial Director Romel Amihan nga raya hay nagatuyo nga mabuligan ro mga maintok nga negosyante nga mas pa nga mapabaskog ro mga bag-ong tukod nanda nga negosyo ag mga nagaplano nga mag-umpisa it negosyo .
Ro unang batch sa nasambit nga mentoring program hay ginaeakipan it limang nagapanag-iya it micro, small and medium enterprises ukon MSMEs sa probinsiya kun sa siin naga-eskwela sanda online .
Raya hay katumbas it pag-eskwela it masteral ukon masters in business administration pinaagi sa bulig it 10 nga modular online sessions nga ginabuytan it mga eksperto ag stakeholders halin sa mga nagapanguna nga kompaniya nga accredited it Philippine Center for Entrepreneurship.
Ginpahayag dugang nga kinahangean nga makabilog kara ro mga negosyante it business improvement plan para sa andang negosyo nga iga-presentar sa panel of evaluators.
Ro nasambit nga programa hay libre nga gina-offer it DTI.
