Matapos ro pitong domingo nga sunod-sunod nga oil price rollback, ginpatuman makaron nga adlaw it Martes ro dugang nga sukot sa presyo it produktong petrolyo.
Pilang kumpaniya it langis ro nagpatuman it P2.60 nga dugang nga sukot sa presyo it kada litro it diesel ag P2.80 sa kada litro it kerosene.
Naga-abot man sa 70 sentimos ro dugang sa presyo it kada litro it gasolina.
Sa pahayag ni Department of Energy (DOE) Oil Industry Management Bureau Assistant director Rodela Romero, ro pagtaas sa presyo it produktong petrolyo sa nasyon hay bangud man sa sharp decline it crude inventory sa estados unidos.
Base pa sa latest data nga available halin sa DOE, ro year to date total adjustments hay may una eon nga net increase nga P17.45 kada litro it gasolina, P29.10 sa kada litro it diesel ag P24.30 sa kada litro it kerosene as of august 16, 2022.
