NATIONAL News — Pagasug-aeawaon it mataas nga presyo it mga produktong petrolyo ro selebrasyon it Undas matapos nga magapatuman it oil price hike ro mga kompanya it langis sa nasyon nga magiging epektibo hin-aga nga adlaw it Martes.
Sa abiso it mga kompanya it langis sa nasyon nga ginapangunahan it Pilipinas Shell, Petron Corporation, Seaoil, PTT Philippines, Total Philippines, Unioil, Petro Gazz ag Phoenix Petroleum, magapatuman sanda it dugang nga presyo nga P0.20 sa kada litro it gasolina ag P0.50 man sa kada litro it diesel ag kerosene nga magiging epektibo alas-6 hin-aga it agahon.
May dugang-presyo man sa nasambit nga mga produkto sa kapareho man nga kantidad ro kompanyang Caltex (CPI) nga magiging epektibo alas-12:01 hindunang aga-aga samtang ro kompanyang CleanFuel hay magiging epektibo alas-4:01 hin-aga it hapon.
Ro igapatuman nga dugang nga presyo sa mga produktong petrolyo hay tuga it padayun nga paghueag it presyuhan kara sa pangkalibutanon nga merkado.
