Maskin nga nakabulig, apang bukon it kuntento ro mga Pilipino ag iba pang dumueuong nga domestic workers sa Hong Kong sa gintau nga dugang nga sweldo ag food allowance.
Suno kay Bombo International Correspondent Mary Lou Bautista Borra nga bukon it bastante ro gin-aprubahang 100 Hong Kong dollars nga kada buean nga sweldo ag 23 dollars nga dugang sa food allowance.
Kada dag-on suno kana hay ginapatuman it Hong Kong government ro wage increase sa mga household workers, apang sa nagtaliwan nga daywang dag-on hay owa raya na-implementar tuga it covid 19 pandemic.
Sa makaron ro minimum wage suno kana hay naga abot eon sa 35,475 pesos kada buean, apang maswerte kon ro employer hay bukon it kuripot bangud nga may ginaeauman nga dugang.
Samtang, may pila suno kana nga mga OFWs ro padayun nga nakikipagsukoe para sa tamang dugang nga sweldo ag allowance samtang ro iba hay nagpasaeamat bangud nga maskin paalin para kanda hay makabulig gihapon ro wage increase ag dugang nga food allowance .
