-- ADVERTISEMENT --
BALITANG ESPESYAL – Sangka journalist sa Ghana hay nakalista it world record matapos matapos yakapon it uwa it pahuway ro puno it kahoy it magsobra 24 nga oras!
Ginkumpirma it records keeping organization nga Guinness World Records nga si Abdul Hakim Awal ro bag-ong world record holder it titueong “Longest Time to Hug a Tree” matapos yakapon ro puno sa sueod it 24 oras ag 21 minuto.
Bukon it kapareho it ibang marathon sa Guiness, ro mga naghana sa titueo ngara hay indi mahimo nga mag-breaktime bangud sa bilog nga oras it andang record attempt, kinahangean nakayakap sanda sa puno.
Sunokay Abdul, ginhimo nana raya agud engganyuhon ro mga pamatan-on nga magtanom it puno ag mamulat sa maeain nga daea it deforestation.
