Na-excite ag naloka ro mga tagahanga ni Sarah Geronimo matapos mag-post ro anang asawang si Matteo Guidicelli it video nga nagapakita it ultrasound.
Insigidang gin-eaum it pilang Popsters nga nabdos si Sarah.
Sa pihak kara, ginklaru sa nasambit nga video nga si Matteo mismo ro nagpaidaeum sa ultrasound ag kaparte eamang raya it teaser para sa anang YouTube vlog nga “Matteo G Primetime.”
Bangud kara, nakahibayag ro pilang fans nga masyadong nag-expect sa post, samtang may iba man nga padayun nga nagaduda nga posibleng may kaangtanan gid man raya sa gina-alegar nga pagnabdos ni Sarah.
Sa makaron, owa pa it kumpirmasyon ukon pagpamalibad halin kanday Sarah ag Matteo angot sa nasambit nga isyu.
Madumduman nga ginkasae ro daywa sa sangka civil wedding ko Pebrero 20, 2020.
