Nagpanawagan ro Trade Union Congress of the Philippines (TUCP) sa Department of Labor and Employment (DOLE) nga klaruhon ro nag-overlapping nga NCR Wage Order Nos. 27 ag 28, nga suno sa grupo hay nagtuga it pagtaeang sa mga trabahador.
Sa idaeum it Wage Order No. 27, may ₱85 dugang nga sweldo nga dapat ipatuman ko Hulyo 25, 2026. Samtang, nagtaeana man ro Wage Order No. 28 it panibag-ong ₱60 wage increase.
Gusto nga masayuran it TUCP kun nagapabilin ro kinamatarung it mga trabahador sa unang ₱85 dugang nga sweldo, kaibahan ro backpay ag ikaywang tranche nga ₱25 nga nakataeana sa Enero 2027.
Ginpamilit it TUCP nga dapat ipaathag it DOLE kun ginabayluhan, ginabawasan, ag naaapektuhan it bag-ong wage order ro nauna.
Ginhinyu man it grupo ro pagbayad it anumang wage differential umpisa Hulyo 25 ag nagpaandam nga ro padayun nga kalituhan hay pwedeng magtuga it mas maeapad nga protesta ag krisis sa pagtrabaho.
