Boluntaryo nga nagsurender sa Bugasong Municipal Police Station ro sangka eaeaki nga nagapangatubang sa reklamong carnapping matapos nga magpanakaw it sangka motorsiklo agud eamang nga mabisita ro anang nobya.
Suno sa mga otoridad nga gintakaw it suspek nga nakilaea kay alyas Jun-Jun ro motorsiklo nga naka-park sa guwa it sangka establisyemento sa Barangay Ilaya, Bugasong agud nga may masakyan paagto sa anang karelasyon sa Sibalom sa nasambit nga probinsiya.
Matapos nga mabisita ro anang nobya, nagbalik ro suspek sa Bugasong ag gin-abandona ro tinakaw nga motor sa likod it Rural Health Unit (RHU).
Nakita raya it mga residente rason nga insigidang nag-report sa kapulisan kun sa siin na-verify nga ro gin aywan nga motor hay tinakawan.
Sa makaron hay nakakulong ro suspek ag nagapadayun ro imbestigasyon it kapulisan sa insidente.
