Arestado ro sangka eaeaki matapos nga maghana nga magpaguwa it masobra sa 100 nga mga sawa sa mainland China.
Ginbutang it suspek ro mga raya sa anang saewae kat masita raya it mga customs officers it Shenzhen.
Natabo ro insidente sa Futian Port, ro checkpoint sa tunga it Hong Kong ag mainland China.
Sa pag-usisa it mga otoridad nakit-an nanda ro an-om nga canvas drawstring bags nga selyado it tape ag nakabutang sa boesa it anang saewae.
Kabilugan nga 104 nga nagkaeain-eain nga klase ag kulay it mga sawa ro nadiskubrehan nga ginakaeakipan it milk snake, western hognose snake, corn snake, Texas rat snake ag bullsnake.
Madumduman nga ko nagtaliwan nga buean hay sangka eaeaki man ro naaresto kat naghana nga magpaguwa it 454 nga mga endangered nga mga pawikan halin sa Macau paadto it mainland China.
