Mabahoe ro epekto it pagbueag it Negros Occidental kaeakip ro Bacolod City nga ginakilaea bilang sangka highly urbanized city sa Western Visayas suno sa Philippine Statistics Authority.
Base sa datos, ro Western Visayas hay may pinakamataas nga economic growth rate sa tanan nga mga rehiyon nga naga-abot sa 9.3%, kumpara sa national average nga 7.2.
Suno kay Ma. Goretti Novilla, Officer-in-Charge it Iloilo Provincial Statistics Office, may mabahoe nga economic weight ro Negros Occidental ag ro pagseparar kara hay magatuga it mabahoe nga economic impact sa rehiyon.
Ro Negros Occidental hay may pinakamabahoe nga regional economic share nga una sa 25.8%, ginasundan it Iloilo Province sa 21.6%, Iloilo City nga may 15.2%, ag Bacolod City nga may 13.9% nga regional economic share.
Madumduman nga nauna eon nga ginpirmahan ni Presidente Ferdinand Marcos Jr., ro NIR Act ukon RA. 12000, nga nagatukod it ika-18 nga rehiyon sa nasyon nga ginakilaea bilang Negros Island Region ko nagtaliwan nga Hunyo 13, 2024.
Para man kay Negros Occidental Representative Francisco Benitez, sambilog sa mga author it NIR Bill, ro pagtukod it NIR hay mas magapaeapit sa serbisyo it gobyerno sa mga pumueuyo it nasambit nga lugar.
