Nadugangan pa ro mahaba eon nga listahan it achievements ni Miss Universe 2018 Catriona Gray, matapos naeakip ro anang kanta sa shortlist it 39th Awit Awards.
Nominado ro anang 2025 Christmas song nga “Every Christmas” sa Best Christmas Recording category.
Raya ro kauna-unahan nga kahighayunan nga nakabaton si Cat it nominasyon sa Awit Awards — sangka award-giving body nga nagakilaea sa mga manami ag nagapangibabaw nga mga kanta ag recording it mga Filipino artist.
Proud man nga ginpakigbahin it beauty queen ro post it anang talent agency nga Cornerstone ag naghambae nga “My first Awit Award nomination.”
Gin-release ko Nobyembre ro “Every Christmas” nga naga-explore sa baeatyagon it pagkasubo ukon pagkahidlaw sa sangka tawo eabi eon kon holiday season. Raya man ro pagbalik ni Catriona sa music scene matapos ro anang self-written song nga “Love Language” ko 2021.
