Ginkumpirma it National Bureau of Investigation (NBI) nga sa guwa it nasyon makaron si dating House Speaker Lord Allan Velasco ag ro anang asawang si Rowena.
Suno kay NBI Director Melvin Matibag, nagguwa it nasyon si Velasco paagto sa Nagoya, Japan ko Agosto 30 ag dapat kunta nga nagbalik ko Setyembre 14, apang owa pa it rekord it anang pagbalik.
Samtang, nagbiyahe man ro anang asawa ag daywang iba pa paagto sa Hong Kong ko Setyembre 24 ag owa man sigon it rekord nga nakabalik eon raya hasta sa makaron.
Raya hay may kaangtanan sa imbestigasyon it NBI sa alegasyon it dating police officer nga si Rodulfo Gracioso Jr. nga ginmanduan sigon imaw ni Velasco nga maghatud it bilyun-bilyong pisong cash sa pilang miyembro it pamilya Duterte.
Ginpamalibaran man ni Velasco ro akusasyon ag gintawag raya nga obra-obra, samtang ginpamalibaran man ni Vice President Sara Duterte ro nasambit nga alegasyon.
Ginpahayag man it NBI nga gin-imbitahan kara ro mga tawong naeakot agud nga mabatian ro andang parte.
