Sa maayos eon nga kahimtangan makaron si dating US President Donald Trump matapos sa paghana nga pagpamaril samtang ginahiwat ro ana karang rally sa Butler, Pennsylvania kahapon, Sabado.
Kinumpirma it dating tagapaghambae ni Trump nga si Steven Cheung nga ligtas eon ro dating Pangueo ag presente nga ginabueong eon ro na angkon karang nina.
Suno man kay Republican representative Mike Kelly nga kaibahan ni Trump sa rally nga nakabati raya it mga pag eopok it baril.
Kinumpirma man ni Butler county district attorney Richard Goldinger nga daywa ro namatay kaibahan ro shooter ag sangka attendee.
Nagtao na man it briefing si US President Joe Biden sa white House kaangot sa Trump rally. Ro briefing kay Biden hay pinangunahan nanday homeland security secretary Alejandro Mayorkas, Secret Service director Kimberly Cheatle ag assistant to the president and homeland security adviser Liz Sherwood-Randall. Nadakpan eon man do 2 ka suspetsado nga shooters sa nasambitan nga shooting incident.
