Nagpahayag it interes ro limang ekonomiya nga mag-partsipar sa Regional Comprehensive Economic Partnership ukon RCEP, kadungan it tikang it ASEAN nga paeawigon ro kasapian it regional trade bloc.
Base sa opisyal nga pahayag kasunod it 58th ASEAN Economic Ministers’ Meeting sa Maynila, pormal eon nga nag-hinyo it accession sa RCEP ro Hong Kong, Sri Lanka, Chile, Bangladesh ag Uruguay.
Suno sa mga economic ministers it ASEAN, ginabaton nanda ro mga paunang tikang para sa pagpaeawig it RCEP ag ginasuportahan ro pagpadayon it proseso para sa posibleng pagbaton it mga bag-ong kasapi.
Sakop it RCEP ro kalakalan it mga produkto g serbisyo, pagpangapital, intellectual property ag electronic commerce, ag ginakabig nga importanteng parte it pagpabaskog it regional trade ag supply chains.
