Masobra 400,000 students in crisis ro nakabaton it one-time cash aid pamaagi sa Educational Assistance Payout it Department of Social Welfare and Development (DSWD) kahapon nga adlaw it Sabado.
Ro gintingob nga report it DSWD hay nagpakita nga ro 1.033 bilyon nga bulig pang-edukasyon hay naipaabot eon maghalin sa P1.5 bilyon nga gintaeana para sa programa.
Sa makaron, 414,482 student-beneficiaries eon ro naipaabot sa bilog nga nasyon.
Sa kabilugang estudyante-benepisyaryo, 126,775 ro sa elementarya; 92,856 nga benepisyaryo ro maghalin sa junior high school ; 58,502 benepisyaryo ro sa senior high school; ag 136,349 nga benepisyaryo sa kolehiyo/bokasyonal nga eskwelahan.
Kada benepisyaryo hay gintaw-an it cash assistance nga nagahaega it P1,000 para sa elementarya, P2,000 sa junior high school, P3,000 sa senior high school, ag P4,000 sa kolehiyo ukon vocational school.
Ro bulig nga pang-edukasyon sa idaeom it programang Assistance to Individuals in Crisis Situations ukon AICS it DSWD hay gintaeana para mabuligan ro mga estudyante nga sa krisis ukon emergency nga sitwasyon.
Samtang, magapatigayon man it final payout ro DSWD sa Setyembre 24.
Nauna eon man nga gin-anunsyo it ahensya ko Setyembre 10 nga ro online registration para sa educational assistance program para sa mga estudyanteng sa krisis hay sarado eon sa tunga it pagparehistro it kapin sa 2 milyong indibidwal.
