Nakahaom si dating Pangueong Rodrigo Duterte nga mag-atubang sa imbestigasyon it International Criminal Court (ICC).
Gin-engganyo man it dating Presidente ro international criminal court nga dasigan ro imbestigasyon angot sa reklamong crime against humanity kontra kana.
Suno kana, kon pwede pagkaagahon eagi mag-adto iya sa nasyon ro mga miyembro it International Criminal Court.
Sa pagpamati it Quad Committee, diretsahan nga ginhambae ni Duterte nga uwa imaw nahadlok sa International Criminal Court.
Suno kana, kinahang-ean nga magdali ro International Criminal Court bangud nga base imaw hay mamatay nga inde raya maimbestigahan angot sa extra judicial killings nga natabo sa ginpatuman nana nga war on drugs.
Ginpasiguro ni Duterte nga kon mapamatud-an it ICC nga guilty imaw sa alegasyong crime against humanity hay haom imaw nga mabulok sa sueod it kulungan.
Uwa man imaw nahadlok nga maadto sa impiyerno.
Nauna eon nga ginkutana ni Gabriela Partylist Rep. Arlene Brosas kon haom ro dating presidente nga makipagbuligan sa International Criminal Court.
