Francine Diaz ag Seth Fedelin, may ginbulgar angot sa una nanda nga pagiging love team

Aminado sanday Francine Diaz ag Seth Fedelin nga nakaangkon it awkwardness sa tunga nanda sa umpisa it andang first project.

Suno kay Seth, iba ro nakasanayan nanda nga ka-love team sa sueod it haeos tatlong dag-on rason nga medyo nahimag-o sanda.

Ginpahayag man ni Francine nga bukon it negatibo ro awkward moments sa tunga nanda bangud nagka-trabaho sanda it mabuhay nga iba ro andang partner.

Unang bumida sa music video nga ”Muli” ro ”FranSeth,” ag magabida man sanda sa drama series nga ”Dirty Linen.”