Ginapausisa it Department of Justice (DOJ) sa National Bureau of Investigation (NBI) ro notaryo, nga ginsumpaan ni dismissed Bamban,Tarlac Mayor Alice Guo, sa anang ginsumite nga counter-affidavit ag motion to reopen investigation sa reklamo nga qualified human trafficking.
Raya hay bangud, nga bukon it si guo ro personal nga nagsumite it counter-affidavit kundi ro ginapahayag nga representative it mga Philippine Offshore Gaming Operator, (POGO) sa Bamban ag Porac nga si Dennis Cunanan.
Suno kay Justice Usec. Nicholas Felix Ty, ginpatan-aw nanda sa NBI kon may una nga kapareho nga notaryo sa Korte Suprema, ag kon nag-atubang idtu si Guo para nga magpanumpa sa anang mosyon ag counter-affidavit nga ginpasaka sa DOJ.
Dugang pa ni Ty, una eon sa alima it prosecution panel kon pagabatunon ukon igabasura ron lang ro counter-affidavit ni Guo.
Naghinyo man it dugang nga tiempo ro Presidential Anti-Organized Crime Commission ag ro Philippine National Police Criminal Investigation and Detection Group, para nga maka-file it “reply affidavit” sa counter-affidavit it iba nga mga respondents.
