Ginsiguro it gobyerno ro owa it pundong paghatod it bulig ag pag-invest para sa climate-smart technology para maging mapag-on ro nasyon ag masiguro ro food security sa tunga it padayon nga pagtaas it inflation rate ukon kadasig it pagtaas it presyo it mga baeak-eon sa nasyon.
Angot kara, ginmandu it Pangueong Ferdinand Marcos Jr., ro pagpadayon it cash transfers ag food imports kadungan it pagsabat it gobyerno sa nagatinaas nga inflation.
Nagpromisa man ro gobyerno it padayon nga suporta para sa mga mangunguma ag iba pang stakeholders sa agricultural sector sa post-disaster recovery samtang nagapabiling prayoridad ro pag-improve pa it value chain ag pag-invest sa climate-smart technologies.
Para sa medium-term strategy, ginmanduan eon it Pangueo ro concerned agencies para mag-invest sa innovations, teknolohiya ag sistema para mapabiling mapag-on ro ekonomiya it nasyon para makabawi sa mabahoe nga naduea bangud sa mga bagyo ag iba pang kalamidad.
Una kara, sandig sa report maghalin sa Philippine Statistics Authority (PSA) ro acceleration it inflation rate it nasyon maghalin sa 6.9% ko Setyembre hay padayon nga nagdasig pa sa 7.7% ko Oktubre nga pinakamataas sa sueod it nakataliwang 14 nga dag-on nga ginasugid bangud sa global financial crisis.
